حوار خاص جدااا

تتشرف مدونة "كلمات من القلب" ان تجرى حوار مع السيد المسئول الكبير(...)

سيدى المسئول اشكرك على تلبية الدعوة باحراء الحوار معك .

انا...اسمك
المسئول.. انت عبيط مش عارف أن مين والله احبسك
أنا.. سيدى المسئول تنتشر البطالة بين الشباب ، ما رأى سيادتكم
المسئول.. والله انا قاصد كدة لانى مش عايز الشاب يتعب خالص ، يعنى انا بعطى الشاب حرية كبيرة ينام براحتو ، ويسهر براحتو ، فى احسن من كدة ، يعنى الحمد لله انا مش مخلى الشاب يتعب خالص ، والحمد لله المخدرات متوفرة فى الاسواق بتخلى الشاب ينسى كل حاجة ، يعنى الشاب عايز اى تانى
انا..ما رايك فى انتشار التعذيب فى اقسام الشرطة
المسئول .. والله يا بنى الموضوع دى ما هو اللى خلافات شخصية ممكن تكون كدة ، وممكن تكون أن احد الضباط كان نفسو يطال مخرج فبصور فيديو كليب لاحد عمليات التعذيب مثلا ، يعنى هيعمل اى يعنى يموت نفسه ، يا عم شوف الكليبات منتشرة ، جد على الفيديو دى.
أنا .. اى رايك فى الوضع فى العراق
المسئول .. والله الوضع مية مية والحمد لله العراقيين مشغلين الامريكان عندهم حراسة خاصة؟؟؟؟؟؟؟
أنا.. اى رايك فى التعليم
المسئول.. والله انا هقول كلمة واحدة ، التعلييييييييييييم بالمجان صح دى الاهم عندنا ، حلو وحش مش مهم عندنا الاهم انه بالمجان..اسكت بقى بلاش كلام عن التعليم لان الشعب دى شعب حاجد مش بيعجبو اى حاجة..
انا.. اى رايك فى (...)
المسئول..والله الشخصية دى محترمة جدا دى احسن من ناس كتير يا دوب اخد 30 مليار من فلوس الشعب وهرب ، مش مهم ما هو واخد بالو من الاصدقاء..
انا .. والشعب
المسئول.. يولع الشعب .. كفاية كدة النهاردة بكرة يا بنى نكمل عشان ورايا فرح